Qazaqstandyq tennısshi jyl úzdigine úmitker atandy

ASTANA. KAZINFORM – Áıelder tennısi qaýymdastyǵy (WTA) maýsym qorytyndysy boıynsha anyqtalatyn jyldyń úzdikterine úmitkerler tizimin jarııalady.

Qazaqstandyq Anna Danılına reseılik Irına Hromachevamen birge «Jyl dýeti» atalymy boıynsha úmitkerler qataryna endi.

Sondaı-aq úmitkerler qatarynda myna juptar bar:

Gabrıela Dabrovskı (Kanada) men Erın Rýtlıff (Novaıa Zelandııa);

Anna Danılına (Qazaqstan) men Irına Hromacheva (Rossııa);

Se Shýveı (Qytaılyq Taıbeı) men Elıse Mertens (Belgııa);

Lıýdmıla Kıchenok (Ýkraına) pen Elena Ostapenko (Latvııa);

Sara Erranı men Jasmın Paolını (Italııa);

Katerjına Sınıakova (Chehııa) men Teılor Taýnsend (SShA).

Atalym jeńimpazdary tennıs jýrnalısteriniń daýys berý nátıjeleri boıynsha anyqtalady.

Anna men Irına bıyl WTA sanatynda 7 tıtýlǵa qol jetkizdi. Sonyń ishinde Ýhan (Qytaı) WTA 1000 týrnıri bar.

Qazaqstandyq tennısshi juptyq synda álemdik reıtıngide jyldy 22-orynmen qorytyndylady.

Eske sala keteıik, budan buryn Denıs Evseevtiń Ispanııadaǵy týrnırde kambekpen jeńiske jetkenin jazǵan bolatynbyz.