Qazaqstandyq tennısshi Janııa Bekmuhambetova Taılandtaǵy WTT týrnırinde qola medal aldy
ASTANA. KAZINFORM - Qazaqstandyq sportshy Janııa Bekmuhambetova Bangkokte ótken ústel tennısinen WTT Youth Contender halyqaralyq týrnırinde qola júldeger atandy, dep habarlaıdy Kazinform QR Ulttyq olımpıadalyq komıtetine silteme jasap.
Qazaqstan quramasynyń ókili jarystyń U13 jas sanatynda óner kórsetti.
Bekmuhambetova týrnır barysynda tórt jeńiske jetti. Ol Taıland ókilderi Amına Prasonpoldy 3:1, Benıafa Sýrasıtti 3:0 jáne Natthapat Lımsırılertti 3:0 esebimen jeńdi. Sondaı-aq Japonııa sportshysy Nonoka Sýzýkıden 3:0 esebimen basym tústi.
Jartylaı fınalda qazaqstandyq sportshy Qytaı Taıbeıiniń ókili Ien Peı Enmen kezdesip, 0:3 esebimen jeńildi.
Osylaısha Janııa Bekmuhambetova týrnırde úshinshi oryn alyp, qola medal ıelendi.
Aıta keteıik, Jánııa Bekmuhambetova ústel tennısinen Horvatııadaǵy týrnırde ekinshi oryn aldy.
Al Tashkenttegi týrnırde altyn medal jeńip aldy.
