Qazaqstandyq tennısshi Koreıada ótken jasóspirimder týrnıriniń fınalyna shyqty

ASTANA. KAZINFORM – Qazaqstandyq tennısshi Zańǵar Nurlanuly Ońtústik Koreıanyń Chhýnchhon qalasynda ótip jatqan ITF Juniors týrnıri (J200 sanaty) fınalyna shyqty, dep habarlaıdy Qazaqstan tennıs federatsııasy.

Dúnıejúzilik jasóspirimder reıtınginde 25-orynda turǵan Zańǵar týrnırge birinshi raketka retinde qatysqan. Jartylaı fınalda ol ońtústikkoreıalyq Sıon Djıdi 6:1, 7:5 esebimen senimdi jeńdi.

Fınalda Nurlanuly taǵy bir jergilikti sportshy – Mın Hýk Chomen kezdesedi.

Týrnırdiń sheshýshi matchy búgin, 5 qazanda ótedi.

Aıta keteıik, qazaqstandyq jas tennısshi Latvııadaǵy týrnırde úzdik shyqty.