Qazaqstandyq tennısshi Qytaıdaǵy týrnırde bir kúnde eki jeńiske qol jetkizdi

ASTANA. KAZINFORM — Qazaqstandyq tennısshi, álemniń 999-raketkasy, 20 jastaǵy Sandýǵash Kenjebaeva Maanshan (Qytaı) ITF W15 týrnırin sátti bastady.

Qazaqstandyq tennısshi aldymen jekeleı synda kort ıesi Dýanjýı Gaony 7:5, 6:4 esebimen tize búktirdi.

Sandýǵash Kenjebaeva shırek fınalǵa shyǵý úshin álemniń 348-inshi, osy jarystyń 2-raketkasy, taǵy bir qytaılyq Lı Tszýnıýı H-men talasady.

Qazaqstandyq sportshy qazirgi kezde WTA Live reıtıngisinde 969-orynǵa kóterilip tur.

Sandýǵash juptyq synda reseılik Sofıa Lanseremen birge jarystyń 4-raketkasy bolyp tirkelgen. Olar alǵashqy aınalymda tartysty matchta qytaılyqtar Hoý ıAnan — Van Tszıaıdy joldan taıdyrdy — 6:3, 3:6, 10:5. Sóıtip shırek fınalǵa joldama aldy.

Sandýǵash Kenjebaeva men Sofıa Lansere mamyr aıynda dál osy dodada chempıon atanǵan edi.

Eske sala keteıik, budan buryn Sandýǵash Kenjebaevanyń Qytaıdaǵy týrnırdiń jeńimpazy atanǵanyn jazǵan edik.