Qazaqstandyq tennısshi Grýzııadaǵy týrnırdiń chempıony atandy

TBILISI. KAZINFORM -  Qazaqstandyq Grıgorıı Lomakın juptyq synda Tbılısı (Grýzııa) ITF týrnıriniń chempıony atandy.

Jarystyń 1-raketkalary bolyp tirkelgen G.Lomakın men chehııalyq Marek Gengel jartylaı fınalda Izraıl ókilderi Orel Kımhı - Ofek Shımanovty tartysty matchta tize búktirdi - 6:7 (10:12), 6:3, 10:5.

Fınaldyq báseke de úsh setke sozyldy. Onda qazaqstandyq-chehııalyq jup dodanyń 2-raketkalary, kort ıeleri Aleksandr Bakshı - Zýra Tkemaladzeni jeńdi - 2:6, 7:6 (7:3), 10:8.

Eske sala keteıik, budan buryn Sandýǵash Kenjebaevanyń Antalııadaǵy jarystyń 2-raketkasyn jeńip, jartylaı fınalǵa shyqqanyn jazǵan bolatynbyz.