Qazaqstandyq tennısshi Frantsııadaǵy týrnırdiń jartylaı fınalyna ótti

ASTANA. KAZINFORM – Qazaqstannyń juptyq syndaǵy birinshi, álemniń 57-raketkasy Aleksandr Nedovesov Rýan (Frantsııa) chellendjer týrnıriniń jartylaı fınalyna shyqty.

Jarystyń 3-raketkasy bolyp tirkelgen A.Nedovesov úndistandyq Shrırambalaı Naraıanasvamımen birge eki kezdesýin sátti ótkizdi.

Qazaqstandyq-úndistandyq jup aldymen frantsııalyqtar Joffrı Blankano – Trıstan Lamazındi joldan taıdyrdy – 4:6, 6:1, 13:11.

Nedovesov – Naraıanasvamı shırek fınalda brazılııalyq Marselo Demolıner – amerıkalyq Krıstıan Garrısondy utty – 6:4, 6:4.

Qazaqstandyq-úndistandyq dýet fınalǵa shyǵý úshin shveıtsarııalyq ıAkýb Pol – chehııalyq Mateı Vochelmen talasady.

Qazaqstannyń áıelder arasynda ekinshi, álemniń 35-raketkasy ıÝlııa Pýtıntseva Ýhan (Qytaı) WTA 1000 jarysynyń shırek fınalynan tys qaldy.

ıÝ.Pýtıntseva álemniń 2-raketkasy, Belarýs ókili Arına Sobolenkoǵa jol berdi – 6:1, 4:6, 0:6. Qazaqstandyq tennısshi matchty sátti bastaǵanymen, sol qarqynyn jalǵastyra almady.

Eske sala keteıik, budan buryn Anna Danılınanyń Qytaıdaǵy jarystyń shırek fınalyna joldama alǵanyn jazǵan bolatynbyz.