Qazaqstandyq tennısshi aıdyń úzdik sportshysy atandy
ASTANA. KAZINFORM – Qazaqstandyq tennısshi Dmıtrıı Popko erler arasynda qyrkúıek aıynyń qorytyndysy boıynsha álemdik tennıs týrynyń (World Tennis Tour) úzdik sportshysy bolyp tanyldy.
29 jastaǵy sportshy osy kezeńde 20 matchtyń 19-ynda jeńiske jetti.
D.Popko M15 sanatyndaǵy jarystarda úsh ret jeńimpaz atanyp, bireýinde fınalǵa deıin jetti.
Qazaqstandyq tennısshi Tsahkadzorda (Armenııada) eki márte úzdik atandy. Bireýinde fınalda argentınalyq Ignasıo Monsondy 6:3, 6:4 esebimen utty. Sodan keıin sońǵy básekede reseılik Dmıtrıı Bessonovty qapy qaldyrdy – 6:3, 6:2.
D.Popko Telavıde (Grýzııa) tabysty jolyn jalǵastyrdy. Al Kýrshýmlııa-Banıada (Serbııa) fınalǵa deıin jetti.
Halyqaralyq tennıs federatsııasynyń málimeti boıynsha 2026 jyly Popko kásibı deńgeıde 43 matchtyń 30-yn jeńispen aıaqtady. Sonyń ishinde topyraq tósenishindegi 30 kezdesýdiń 23-inde mereıi ústem boldy.
Dmıtrıı Popko keshe aıaqtalǵan Telavı (Grýzııa) M15 dodasynda da sátti óner kórsetip, fınalǵa deıin jetti. Qazir ol álemdik reıtıngide 545-orynda tur.
Eske sala keteıik, budan buryn qazaqstandyq tennısshiniń qatarynan úsh týrnırde jeńimpaz atanǵanyn jazǵan edik.
Elena Rybakına Beıjiń jarysynda jeńiliske ushyrady.
