Qazaqstandyq tennısshi álemdik reıtıngide birden 36 satyǵa joǵary kóterildi

ASTANA. KAZINFORM – Kásibı tennısshiler qaýymdastyǵy (ATP) jarııalaǵan álemdik reıtıngide qazaqstandyq tennısshilerdiń orny belgili boldy.

Qazaqstannyń birinshi raketkasy Aleksandr Býblık 23-ten 24-ke syrǵysa, Aleksandr Shevchenko 57-den 56-ǵa aýysty.

Mıhaıl Kýkýshkın 133-ten 135-ke tómendese, Denıs Evseev 164-ten 160-qa jaıǵasty.

Rýmynııada Brashov chellendjer týrnıriniń fınalyna, keıin ıAssyda shırek fınalǵa deıin jetken Dmıtrıı Popko osyǵan deıin 222-orynda bolsa, birden 36 satyǵa joǵarylap, álemniń 186-raketkasy atandy. Beıbit Juqaev TOP-200-ge jaqyndap tur (+12, №201). Tımofeı Skatovtyń nátıjesi de jaman emes (+7, №223).

Álemdik reıtıngide alǵashqy úshtikte ózgeris bola qoıǵan joq: ıtalııalyq ıAnnık Sınner kósh basynda bolsa, serbııalyq Novak Djokovıch ekinshi, Ýımbldon chempıony atanǵan ıspanııalyq Karlos Alkaras úshinshi satyda keledi.

Juptyq synda Aleksandr Nedovesov 48-den 49-ǵa, Andreı Golýbev 138-den 148-ge yǵyssa, A.Býblık 131-orynda qaldy. Álemde juptyq synda birinshi oryndy ıspanııalyq Marsel Granolers pen argentınalyq Orasıo Sebalos bólisse, olardyń ókshesin aýstralııalyq Mettıý Ebden basyp tur.

Osy aptadaǵy jarystarda sátti óner kórsetse, qazaqstandyq tennısshiler reıtıngilik nátıjelerin jaqsarta alady.

Eske sala keteıik, budan buryn ıÝlııa Pýtıntsevanyń álemdik reıtıngide TOP-30-ǵa kirgenin jazǵan bolatynbyz.