Qazaqstandyq tennısshi AQSh-taǵy jarystyń jartylaı fınalyna shyqty

ASTANA. KAZINFORM — Qazaqstandyq tennısshi, 19 jastaǵy Sonıa Jıenbaeva juptyq synda Arkeıdııa (AQSh) ITF W35 týrnıriniń jartylaı fınalyna joldama aldy. 

Qazaqstandyq sportshy amerıkalyq Savanna Brodýspen birge áýeli AQSh ókili Maıa Aıengar — slovakııalyq Martına Okalovany qapy qaldyrdy — 6:4, 6:0.

S.Jıenbaeva — S. Brodýs shırek fınalda jarystyń 4-raketkalary, amerıkalyqtar Alana Smıt — Akasha Ýrhobomen sheberlik baıqasty.

Match 6:4, 6:4 esebimen qazaqstandyq-amerıkalyq juptyń paıdasyna sheshildi. 

Báseke 1 saǵat 24 mınýtqa sozyldy.

Sonıa Jıenbaeva — Savanna Brodýs fınalǵa shyǵý úshin dodanyń 1-raketkalary, amerıkalyqtar Erın Kaetano — Heılı Djavaramen talasady.

Jekeleı synda dúnıejúzilik reıtıngide 1 018-orynda turǵan S. Jıenbaeva osy týrnırde bastapqy aınalymda álemniń 369-raketkasy E.Kaetanoǵa jol berdi — 2:6, 4:6.

Eske sala keteıik, budan buryn Mıhaıl Kýkýshkın úshin Frantsııadaǵy jarystyń sátti bastalǵanyn jazǵan edik.