Qazaqstandyq tennısshi AQSh-taǵy týrnırdiń jartylaı fınalyna joldama aldy

ASTANA. KAZINFORM — Qazaqstandyq tennısshi Sonıa Jıenbaeva juptyq synda Ostın (AQSh) ITF W50 týrnıriniń jartylaı fınalyna shyqty.

Qazaqstandyq sportshy amerıkalyq Savanna Brodýspen birge alǵashqy aınalymda tartysty oıynda jarystyń 4-raketkalary, jergilikti tennısshiler Fıona Kroýlı – Medıson Sıgti kambek jasap, qapy qaldyrdy – 5:7, 6:2, 14:12.

Qazaqstandyq-amerıkalyq jup shırek fınalda reseılikter Anastasııa Gýreva – Ekaterına Haırýtdınovamen sheberlik baıqasty. Match 6:2, 6:4 esebimen Jıenbaeva – Brodýstyń paıdasyna sheshildi. Báseke 1 saǵat 23 mınýtqa sozyldy.

Sonıa Jıenbaeva – Savanna Brodýs fınalǵa shyǵý úshin venesýelalyq Sofııa Elena Kabezas Domınges – amerıkalyq Erın Kaıetanomen talasady.

Eske sala keteıik, budan buryn qazaqstandyq tennısshiniń Mysyrdaǵy týrnırde bir kúnde eki kezdesýin jeńispen aıaqtaǵanyn jazǵan edik.