Qazaqstandyq tennısshi AQSh-taǵy týrnırdiń fınalynda oınaıdy

ASTANA. KAZINFORM — Qazaqstandyq tennısshi Sonıa Jıenbaeva juptyq synda Ostın (AQSh) ITF W50 týrnıriniń jartylaı fınalyna shyqty. 

Sonıa Jıenbaeva amerıkalyq Savanna Brodýspen birge jartylaı fınalda venesýelalyq Sofııa Elena Kabezas Domınges — amerıkalyq Erın Kaıetanomen oınady.
Birinshi partııada qazaqstandyq-amerıkalyq jup aıqyn basymdylyq tanytty — 6:1. Olar ekinshi sette de esesin jibermedi — 6:4.

Báseke 1 saǵat 14 mınýtqa sozyldy.

Sonıa Jıenbaeva — Savanna Brodýs fınalda amerıkalyqtar Vıktorııa Osıgve — Alana Smıtpen chempıondyq ataqty sarapqa salady.

Taǵy bir qazaqstandyq Arýjan Saǵyndyqova juptyq synda Sharm-el-Sheıh (Mysyr) ITF W15 jarysynda jartylaı fınalǵa deıin jetti.

Arýjan mysyrlyq ıAsmın Ezzatpen birge jartylaı fınalda germanııalyq Karla Bartel — chehııalyq Amelı Heıtmankovaǵa ese jiberdi — 6:7 (5:7), 4:6.

Eske sala keteıik, budan buryn qazaqstandyq tennısshiniń AQSh-taǵy týrnırdiń jartylaı fınalyna joldama alǵanyn jazǵan edik. 

Sondaı-aq Elena Rybakına biregeı tabysymen Gınnestiń rekordtar kitabyna ekinshi ret endi.