Qazaqstandyq telearnalar XXV qysqy Olımpıada oıyndaryn tikeleı efırde kórsetedi

ASTANA. KAZINFORM — 6-22 aqpan aralyǵynda Italııanyń Mılan jáne Kortına-d-Ampetstso qalalarynda XXV qysqy Olımpıada oıyndary ótedi, dep habarlaıdy Mádenıet jáne aqparat mınıstrliginiń baspasóz qyzmeti

Tórtjyldyqtyń basty dodasy «Qazaqstan», «Qazsport», «Habar» jáne «Jibek Joly» respýblıkalyq arnalarynan tikeleı efırde kórsetiledi.​​​​

Aq oıyndarda 8 sport túrinen 116 medal jıyntyǵy sarapqa salynady. Búginde Qazaqstan úsh sport túri — short-trek, konkımen júgirý jáne mánerlep syrǵanaýdan olımpıadalyq kvotalardyń ıegeri atandy.​​

Qysqy Olımpıadalar tarıhynda tuńǵysh ret jarystardy resmı túrde qos qala qabyldaıdy. Italııa tórinde 100-ge jýyq eldiń 3000 sportshysy óner kórsetedi dep josparlanyp otyr. ​​​​​

Olımpıada kezinde túsirilim toptary dúbirli dodadan eksklıýzıvti habar taratady. Sonymen qatar «Qazaqstan» men «Qazsport» arnalarynan kún saıyn «Olımpıada kúndeligi», «Qazsport» telearnasynan tikeleı efırde «Mılan — Kortına 2026» stýdııalyq baǵdarlamasy kórermenge jol tartady.

Budan buryn almatylyq alty sportshy qysqy Olımpıadaǵa joldama alǵanyn jazǵanbyz.