Qazaqstandyq Team KZ Bolashaq oıyndaryn jeńispen bastady
ASTANA. KAZINFORM — Qazaqstandyq Team KZ komandasy elordada ótip jatqan «Bolashaq oıyndary — 2026» halyqaralyq týrnırindegi Phygital Shooter dıstsıplınasynda jarysty jeńispen bastady.
Toptyq kezeńdegi alǵashqy kezdesýde qazaqstandyqtar Ózbekstannyń MIRAGE TEAM komandasyn 3:0 esebimen tize búktirdi.
Match úsh kezeńnen turdy. Alǵashqy eki kezeńde qarsylastar Counter-Strike 2 oıynynda baq synady. Mirage kartasynda Team KZ qarsylasyna birde-bir múmkindik bermeı, 13:0 esebimen jeńiske jetti. Al Nuke kartasyndaǵy kezdesý 13:1 esebimen aıaqtaldy.
Jarystyń sheshýshi bóligi arenada ótken lazertag formatynda jalǵasty. Neo Dala kartasynda ótken bul kezeńde de qazaqstandyqtar basymdyq tanytyp, kezdesýdi 6:0 esebimen óz paıdasyna aıaqtady.
Eske sala keteıik, qazirgi ýaqytta Astanada «Bolashaq oıyndary — 2026» halyqaralyq týrnıri jalǵasyp jatyr. Baıraqty báseke aıasynda Dota 2, Counter-Strike 2, Phygital Shooter, Phygital Basketball jáne ózge de fıdjıtal baǵyttar boıynsha jarystar ótip keledi.
