Qazaqstandyq taýarlardyń biryńǵaı reestri jasalady
ASTANA. KAZINFORM – Qazaqstanda otandyq taýarlardyń tizilimin qurý josparlanýda. Bul týraly QR Saýda jáne ıntegratsııa vıtse-mınıstri Qaırat Balyqbaev málimdedi.
Onyń aıtýynsha, Senat depýtattary «QR keıbir zańnamalyq aktilerine taýarlardyń shyǵarylǵan elin aıqyndaý máseleleri boıynsha ózgerister men tolyqtyrýlar engizý týraly» zań jobasyna bastamashylyq etti.
«Zań jobasynda ST KZ sertıfıkattary men Indýstrııalyq sertıfıkattyń ornyna qazaqstandyq taýarlar reestrin jasaý, sondaı-aq salalyq memlekettik organdarmen lokalızatsııa úlesin, Qazaqstanda shyǵarylatyn taýarlar úlesin ulǵaıtýǵa, shyqqanyn rastaý tetikterin aıqyn etýge baǵyttalǵan óndiris sharttaryn qalyptastyrý qarastyrylǵan», - dedi Qaırat Balyqbaev Ortalyq kommýnıkatsııalar qyzmetinde ótken baspasóz máslıhatynda.
Taýarlar reestri – tolyq tsıfrlandyrýdy, óndiristi rastaý krıterıılerin tsıfrlandyrýdy, sondaı-aq basqa memlekettik aqparattyq júıelermen ıntegratsııalardy eskere otyryp, formatty logıkalyq baqylaýdy kózdeıtin Biryńǵaı memlekettik aqparattyq júıe.
Sonymen birge, zań jobasy óndiris sýbektileri, óndiristik úı-jaılar men jabdyqtar sııaqty nysandardy óndirýge qoıylatyn talaptardyń oryndalýyna memlekettik baqylaý engizýdi kózdeıdi.
Zań jobasyn bıyl qabyldaý josparlanǵan.
