Qazaqstandyq taýar tasymaldaýshylarǵa Reseımen shekarada QR-kod talap etiletini eskertildi
ASTANA. KAZINFORM - Taýarlardy avtomobıl kóligimen ákelý kezinde alýshyǵa Reseı Federatsııasynda aldaǵy jetkizilim týraly qujatty aldyn-ala rásimdep, QR-kodyn alý qajet, dep habarlaıdy QR qarjy mınıstrligi Memlekettik kirister komıtetiniń baspasóz qyzmeti.
QR-kody júrgizýshide bolýy jáne baqylaýshy organdardyń talaby boıynsha kórsetilýi tıis.
Rastalǵan QR kodynyń bolmaýy Reseı Federatsııasyna kirýge tıim salý jáne kólik quralyn qaıtarýdy kózdeıdi.
Osyǵan baılanysty, kelesi sharalar usynylady:
TKRJ sheńberinde resimdelgen QR-kodtyń bolýyn reseılik alýshydan aldyn ala naqtylaý;
ótkizý pýnktine kelgenge deıin QR-kodyn tekserý;
basyp shyǵarylǵan nemese elektrondy túrde QR-kody bolýy kerek;
QR-kodtaǵy málimetterdi taýarǵa ilespe qujattarmen (taýar, sany, kólik quraly, alýshy) salystyryp tekserý;
qujattardy durys resimdemegen kezde shekaradan ótý ýaqytynyń ulǵaıýyn eskerý qajet.
-Tasymaldaýdy josparlaý kezinde kórsetilgen ózgeristerdi eskerýdi jáne reseılik taýar alýshylarmen aldyn-ala ózara árekettesýdi suraımyz,-delingen habarlamada.
Reseı 1 maýsymnan bastap taýar jetkizýdi aldyn ala rastaý júıesin mindetti etedi
