Qazaqstandyq taýar bırjasynda kúkirt saýdasy bastaldy

ASTANA. KAZINFORM – Kúkirt negizgi eksporttyq taýarlardyń biri jáne tyńaıtqysh pen kúkirt qyshqyly óndirisinde jáne munaı-hımııa salasynda keńinen qoldanylady.

Bul resýrstyń bırjalyq saýdasy baǵanyń ashyqtyǵyn arttyrady jáne barlyq oıynshylar úshin teń jaǵdaılary bar turaqty naryqty qalyptastyrýǵa yqpal etedi. 

Búgin «Kaspıı» taýar bırjasynda agroónerkásiptik jáne hımııalyq sektorlar úshin strategııalyq mańyzdy ónim — tehnıkalyq túıirshiktelgen kúkirttiń saýdasy uıymdastyryldy.

«Qos aýktsıon rejıminde kúkirt saýdasyn bastaý – bul ónerkásiptik taýarlardyń bırjalyq saýdasyn damytýdaǵy mańyzdy qadam. Biz árbir taýar adal jáne ashyq satylatyn, al óndirýshiden sońǵy tutynýshyǵa deıingi barlyq naryq qatysýshylary ádil baǵaǵa teń qol jetkize alatyn ınfraqurylymdy qalyptastyrýdy jalǵastyra beremiz», – dep atap ótti taýar bırjasy prezıdenti Murat Qadısov.

Aıta keteıik, buǵan deıin bir kúnniń ishinde taýar bırjasy arqyly 23 000 tonna astyq satylǵany habarlandy.