Qazaqstandyq taǵy eki boksshy Nıderlandtaǵy týrnırde altyn medalǵa talasady

ASTANA. KAZINFORM - Nıderlandtyń Eındhoven qalasynda ótip jatqan Eindhoven Cup halyqaralyq týrnırinde taǵy qazaqstandyq eki boksshy fınalǵa shyqty.

El quramasynan Erasyl Jakpekov (80 keli) jartylaı fınalda danııalyq 20 jastaǵy sportshy Ide Sılaspen qolǵap túıistirdi. Tóreshiler biraýyzdan sheshimimen jeńis Erasylǵa berildi.

Sondaı-aq qazaqstandyq taǵy bir bylǵary qolǵap sheberi Dáýlet Tólemisov (85 keli) fınalǵa joldama aldy. Ol jartylaı fınalda belgııalyq Idrıs Leganasty orta jolda qaldyrdy.

Aıta ketsek, buǵan deıin Abylaıhan Júsipov (70 keli) pen Danııal Sábıt (50 keli) fınalǵa joldama aldy.

Sondaı-aq el quramasynan Ertýǵan Zeınýllınov (65 keli) pen Sabyrjan Aqqalyqov (75 keli) qola júldeni qanaǵat tutty.

Halyqaralyq týrnır 6-9 maýsym aralyǵynda ótedi.

Aıta ketsek, dúbirli dodaǵa elimizdiń atynan 10 boksshy attanǵan edi. Olardyń arasynan erterek Mahmud Sabyrhan (55 keli), Erhan Turdan (60 keli), Erasyl Jaqpekov (80 keli) jarys jolynan shyǵyp qaldy.