Qazaqstandyq taekvondoshylardyń jeńisi qansha turady: Federatsııa syıaqy kólemin jarııalady
ASTANA. KAZINFORM — Qazaqstandyq taekvondoshylardyń halyqaralyq arenadaǵy jeńisi qomaqty syıaqymen yntalandyrylady. Taekvondo (WT) federatsııasy Olımpıada, álem jáne Azııa chempıonattary men Azııa oıyndarynda júlde alǵan sportshylarǵa jáne olardyń jeke jattyqtyrýshylaryna beriletin syıaqy mólsherin jarııalady.
Federatsııanyń málimetinshe,
- Olımpıada chempıony atanǵan sportshyǵa 250 myń AQSh dollary,
- Kúmis júldegerge — 50 myń,
- Qola júldegerge — 20 myń dollar beriledi.
Olardyń jeke jattyqtyrýshylary tıisinshe 100 myń, 20 myń jáne 10 myń AQSh dollar kóleminde syıaqy alady.
Álem chempıonaty jáne Azııa oıyndary:
- Altyn — sportshyǵa $125 myń, jattyqtyrýshyǵa $50 myń
- Kúmis — sportshyǵa $10 myń, jattyqtyrýshyǵa $5 myń
- Qola — sportshyǵa $5 myń, jattyqtyrýshyǵa $2,5 myń
Azııa chempıonaty:
- Altyn — sportshyǵa $50 myń, jattyqtyrýshyǵa $15 myń
- Kúmis — sportshyǵa $5 myń, jattyqtyrýshyǵa $2,5 myń
- Qola — sportshyǵa $3 myń, jattyqtyrýshyǵa $1,5 myń
Federatsııa úshin sportshylardyń joǵary nátıjesimen qatar, sol jetistikke úles qosqan jattyqtyrýshylardyń eńbegin laıyqty baǵalaý mańyzdy.
Buǵan deıin qazaqstandyq taekvondoshylar Altaic Cup týrnırinde 18 medal jeńip alǵan bolatyn.
