Qazaqstandyq taekvondoshylar Altaic Cup týrnırinde 18 medal jeńip aldy
ASTANA.KAZINFORM - Astanada taekvondodan halyqaralyq Altaic Cup týrnıri bastaldy.
Jarystyń alǵashqy kúninde Qazaqstan quramasy 18 medal jeńip aldy.
Altyn medal ıegerleri qatarynda Samırhon Ababakırov (63 kelige deıin), Beıbarys Qablan (87 keliden joǵary), Aısha Ádilbekqyzy (62 kelige deıin) jáne Nazym Mahmutova (73 kelige deıin) bar.
Kúmis júldeni Tamırlan Tileýles (58 kelige deıin), Maqsat Orynbasar (74 kelige deıin), Aıdana Qumartaeva (46 kelige deıin), Nuraı Baýyrjanova (49 kelige deıin), Nodıra Ahmedova (53 kelige deıin) jáne Aıaýlym Asqar (67 kelige deıin) ıelendi.
Qola medaldi Bahodır Shapýlatov (54 kelige deıin), Mergen Ǵanıev (80 kelige deıin), Baýyrjan Hasenov (87 keliden joǵary), Nuraıym Jumabek (49 kelige deıin), Aıdana Súndetbaı (53 kelige deıin), Arýjan Naımanbaeva (67 kelige deıin), Nurly Keńesbek (73 kelige deıin) jáne Aqsáýle Erqasymova (73 keliden joǵary) jeńip aldy.
QR UOK málimetinshe, búgin, 23 maýsymda jastar quramalary arasyndaǵy jarystar ótedi.
Elordada taekvondodan Altaı Odaǵy chempıonatynyń ashylý saltanaty ótkenin jazǵan edik.
Aıta keteıik, Astana 2027 jyly mánerlep syrǵanaýdan Tórt qurlyq chempıonatyn qabyldaıdy.
