Qazaqstandyq taekvondoshylar álem chempıonatynda ekinshi oryn aldy
ASTANA. KAZINFORM - Qazaqstan jasóspirimder quramasy taekvondodan Álem chempıonatynda jalpykomandalyq esepte ekinshi oryn aldy.
Qazaqstandyq sportshylar 10-14 mamyr aralyǵynda Birikken Arab Ámirliginiń Fýdjeıra qalasynda ótken taekvondodan (WT) jasóspirimder arasynda álem chempıonatynda bes medal aldy.
Dúbirli dodaǵa 87 elden 811 sportshy qatysty. Qazaqstan jasóspirimder quramasy joǵary nátıje kórsetti. El qorjynyna 2 altyn, 1 kúmis jáne 2 qola medal tústi. Jalpykomandalyq esepte olar ekinshi orynǵa ıe boldy.
Álem chempıonatynda el quramasynan Hamzaalper Romashkın (61 keli) men Saǵynǵalı Jantóre (65 keliden joǵary) jeńis tuǵyryna kóterildi.
Al Aıatjan Ámirhanov (57 keli) kúmis medal alsa, Alla Tsoı (47 keli) men Aıda Gojalımova (51 keli) úzdik úshtikti túıindedi.
Aıta ketsek, taekvondodan Gran-prıdiń fınaldyq kezeńi 2026 jyly Almaty qalasynda ótedi.