Qazaqstandyq sýretshi Elena Rybakınanyń kilemdegi portretin jasady
ASTANA. KAZINFORM – Áleýmettik jelide Assolyaa laqap atymen tanymal qazaqstandyq sýretshi Ásel Sabyrjanqyzy tennısshi Elena Rybakınanyń portretin erekshe tásilmen – kilem betine beıneledi.
Sýretshi jańa týyndysyn Instagram paraqshasynda jarııalap, daıyn portretpen qatar ony jasaý barysyndaǵy kadrlardy da kórsetti. Kadrlardan sportshynyń beınesi kilem betinde birtindep qalyptasqanyn kórýge bolady.
Týyndy áleýmettik jeli qoldanýshylarynyń qyzyǵýshylyǵyn týdyrdy. Jeli qoldanýshylary sýretshiniń sheberligi men jumystyń erekshe oryndalýyn atap ótip, «shedevr», «ádemi shyǵypty», «baǵa jetpes syılyq» degen pikirler qaldyrǵan.
Jaqynda Elena Rybakına álemniń birinshi raketkasy atanǵan edi. Endi Ásel Sabyrjanqyzy ózi jasaǵan portretti tennısshige jeke tabystaýdy josparlap otyr.
Buǵan deıin sýretshi Enrıke Iglesıas, Djennıfer Lopes, Djekı Chan, Nıkol Sherzınger jáne basqa da álemge tanymal juldyzdardyń beınesin jasaǵan.
– Keıbir týyndylarymdy portrette beınelengen tanymal tulǵalardyń ózine jeke tabystaýdyń sáti tústi, – deıdi sýretshi.
Aıta keteıik, 150 jas sýretshi Abaı murasyn qylqalammen dáriptedi.
