Qazaqstandyq sýperkompıýterdiń qýaty 8 mlrd halyqtyń 4 kúndik jumysyna teń
ASTANA. KAZINFORM – Qazaqstanda jasalyp jatqan sýperkompıýterdiń qýaty qysqa ýaqyt ishinde óte zor kólemdegi esepteýlerdi júzege asyrýǵa múmkindik beredi. Bul týraly Jibek Joly telearnasynyń tikeleı efırinde QR Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev málim etti.
- 8 mlrd adam sekýnd saıyn matematıkalyq esepteýler jasap otyratyn bolsa, olarǵa sýperkompıýterdiń 1 sekýndta jetken nátıjesine jetý úshin 4 kún qajet bolady, - dedi mınıstr.
Buǵan qosa, Mádıev sýperkompıýter eldi tsıfrlandyrýda mańyzdy qadam bolatynyn jetkizdi. Ol jasandy ıntellekt tehnologııalaryn engizýdi jedeldetedi, ǵylym jáne ónerkásip sektorlaryn qajetti esepteý resýrstarymen qamtamasyz etip, Qazaqstannyń tsıfrlyq táýelsizdigin arttyrady.
Aıta keteıik, búgin Qasym-Jomart Toqaev sýperkompıýterdi iske qosý rásimine qatysty.