Qazaqstandyq sý salasy mamandarynyń úshinshi legi Qytaıǵa oqýǵa attandy
AQTÓBE. KAZINFORM — Qytaıǵa eki aptalyq kýrsqa 31 maman attandy, dep habarlaıdy Sý resýrstary jáne ırrıgatsııa mınıstrligi.
Buǵan deıin kórshiles elde 30 adamnan turatyn eki top bilim alǵan bolatyn. Jalpy bıyl Qytaıda qazaqstandyq sý salasynyń 121 mamany biliktiligin arttyrady. Oqý Qytaı tarapynyń qarajaty esebinen uıymdastyryldy, oǵan Qazaqstan Respýblıkasynyń memlekettik bıýdjetinen qarajat bólinbegen. Qazirgi ýaqytta Sý resýrstary jáne ırrıgatsııa mınıstrligi Qytaımen birlesken oqytý baǵdarlamasyn jalǵastyrý týraly kelissózder júrgizip jatyr.
— Sáýir jáne mamyr aılarynda biz Qytaıǵa 30 adamnan turatyn eki top jiberdik, olar oqýlaryn sátti aıaqtady. Al úshinshi toptyń quramynda sý salasynyń 31 mamany Qytaıǵa sý resýrstaryn basqarý jáne aǵyndy sýlardy tazartý taqyrybyndaǵy kýrsqa attandy. Bul oqýlar Prezıdent Joldaýynda aıtylǵan, sý salasyna bilikti mamandardy júıeli túrde daıyndaý qajettiligine baılanysty qolǵa alynǵan sharalardyń biri, — dedi Sý resýrstary jáne ırrıgatsııa vıtse-mınıstri Aslan Abdraımov.
Buǵan deıin Sý resýrstary mınıstrligi 29 gıdrotehnıkalyq nysanǵa kópfaktorly zertteý júrgizip jatqanyn jazǵanbyz.