Qazaqstandyq stýdent ІІІ Túrki ýnıversıadasynda alǵashqy altyndy jeńip aldy
ASTANA. KAZINFORM – Halel Dosmuhamedov atyndaǵy Atyraý ýnıversıtetiniń stýdenti Danııar Qulýshev 60 kg deıingi salmaq dárejesinde altyn medal jeńip alyp, týrnırdiń alǵashqy chempıony atandy. Bul týraly Ǵylym jáne joǵary bilim mınıstrligi málim etti.
— Biz stýdentimizdiń jeńisimen maqtanamyz. Danııar erik-jigerin, joǵary kásibı sheberligin kórsetip, qazaqstandyq jastardyń halyqaralyq arenada tabysty básekege qabiletti ekenin dáleldedi. Bul medal — sportshynyń, jattyqtyrýshylardyń jáne ýnıversıtettiń júıeli eńbeginiń nátıjesi, - dep jazdy vedomstvodan.
Danııar Qulýshevtiń jeńisi Qazaqstannyń medal qoryn ashyp qana qoımaı, eldiń halyqaralyq deńgeıdegi stýdenttik sporttaǵy bedelin nyǵaıtty.
Aıta ketý kerek, ІІІ Túrki ýnıversıadasy aıasyndaǵy dzıýdo jarystary aldaǵy kúnderi de jalǵasady. Qazaqstandyq sportshylar júlde qoryn tolyqtyrýǵa barlyq múmkindikke ıe.
Eske sala keteıik, III Túrki ýnıversıadasyna Qazaqstan atynan 66 stýdent-sportshy qatysyp jatyr.