Qazaqstandyq stýdent múmkindigi shekteýli jandarǵa arnalǵan ınnovatsııalyq vertıkalızator jasap shyǵardy
Sátbaev ýnıversıtetiniń Mashına jasaý jáne energetıka ınstıtýtynyń magıstri Jalǵasbek Beknur erekshe kútimdi qajet etetin adamdardyń ómirin jaqsartýǵa arnalǵan vertıkalızator qurylǵysyn jasap shyǵardy, dep habarlaıdy Kazinform Ǵylym jáne joǵary bilim mınıstrliginiń baspasóz qyzmetine silteme jasap.
Bul burylmaly vertıkalızator sal aýrýymen aýyratyn naýqastardy julyn jáne bas mıynyń jaraqatynan, sondaı-aq uzaq ýaqyt (tósek tartyp) jatqannan keıin ońaltý úshin jáne t.b. qoldanylady. Ol qoldanysqa óte jeńil ári yńǵaıly, kóldeneń pozıtsııada (maksımým) 80 gradýsqa kóteriledi, sondyqtan ol medıtsınalyq protsedýralar jasaý úshin tıimdi qural bolyp sanalady.
Vertıkalızatordy jasap shyǵarý Meıkaton TOM Almaty festıvali aıasynda stýdentter men professor-oqytýshylar quramynyń, sondaı-aq Inklıýzıvti bilim berýdi qoldaý jáne súıemeldeý ortalyǵynyń belsendi aralasýynyń arqasynda múmkin boldy.
«Mashına jasaý» kafedrasy janyndaǵy Stýdenttik konstrýktorlyq bıýro oqytýshylary men qyzmetkerleriniń tálimgerlermen birlesip ázirlegen vertıkalızator erekshe kútimdi qajet etetin jandarǵa jańa múmkindikter beredi. Qurylǵynyń jan-jaqtylyǵy men tıimdiligi der kezinde kómek alatyn adamdardyń sanyn kóbeıtedi.
