Qazaqstandyq stýdent Qytaıda ótken BRICS chempıonatynda qola medal ıegeri atandy

ASTANA. KAZINFORM – Qytaı Halyq Respýblıkasynda ótken BRICS National Vocational Skills Championships halyqaralyq kásibı sheberlik chempıonatynda «Derekterdi taldaý jáne vızýalızatsııa» quzyrettiligi boıynsha qazaqstandyq stýdent joǵary nátıje kórsetti. Bul týraly Oqý-aǵartý mınıstrliginiń baspasóz qyzmeti habarlady. 

N.Bekbosynov atyndaǵy Mańǵystaý energetıkalyq kolledjiniń stýdenti Gabbas Saǵynysh álemdik deńgeıdegi dodada ІІІ oryn ıelenip, qola medal jeńip aldy.

Atalǵan halyqaralyq chempıonatqa Qytaı, Reseı, Úndistan sekildi 9 elden barlyǵy 137 komanda qatysqan.

Halyqaralyq jarystyń qorytyndysy boıynsha chempıonattyń shtab-páteri Mańǵystaý energetıkalyq kolledjin «Bolashaq tehnologııalar men daǵdylar» atty halyqaralyq konferentsııaǵa qatysýǵa shaqyrdy. Sonymen qatar, taraptar «Bir beldeý, bir jol» bastamasy aıasynda yntymaqtastyq týraly memorandýmǵa qol qoıýdy josparlap otyr.

Aıta ketelik UBT formaty halyqaralyq standarttarǵa saı jańartylatyny týraly jazǵan edik.