Qazaqstandyq stýdent Ázerbaıjanda jasyl energetıka salasyndaǵy joba kóshbasshylarynyń úshtigine kirdi

ASTANA. KAZINFORM – Qazaqstandyq stýdent taza energetıka salasyndaǵy aımaqtyq hakaton (Clean Energy Hackathon 2026) jeńimpazdarynyń biri boldy. Іs-sharany Birikken Ulttar Uıymy Ónerkásiptik damý jónindegi uıymynyń (UNIDO) qoldaýymen Ekonomıkalyq yntymaqtastyq uıymynyń (CECECO) Taza energııa ortalyǵy uıymdastyrǵan, dep habarlaıdy Kazinform menshikti tilshisi.

Marapattaý rásimi Bakýdegi ADA ýnıversıtetinde BUU Bas Assambleıasynyń qararyna sáıkes jyl saıyn 26 qańtarda atalyp ótetin Halyqaralyq taza energııa kúnine arnalǵan is-sharalar aıasynda ótti.

CECECO jobalyq úılestirýshisi Nıgıar Shýkıýrovanyń aıtýynsha, hakatonǵa Ázerbaıjan, Qazaqstan, Túrkııa, Ózbekstan, Qyrǵyzstan jáne Pákistannan kelgen 16 men 35 jas aralyǵyndaǵy jas mamandar men stýdentter qatysty.

Barlyǵy 207 ótinim berildi, jobalar tsıfrlyq habardarlyqqa, energııa tıimdiligine jáne energetıkalyq saıasatty qalyptastyrýǵa arnalǵan analıtıkalyq quraldardy ázirleýge baǵyttalǵan.

Úshinshi oryndy «Ortalyq Azııada kún energııasyn engizýdi jedeldetý» atty Sol-Scout Pro jobasymen Qazaqstan ókili – Nazarbayev University stýdenti Dosbol Erlan aldy. Ekinshi oryndy Ázerbaıjan ókili Gıýlıaı Nazarova (Baký joǵary munaı mektebi) CleanAxis jobasymen jeńip aldy. Hakaton jeńimpazdary EcoSense jobasymen Ózbekstannan kelgen komanda – Tashkent aqparattyq tehnologııalar ýnıversıtetinen Ferýzbek Bakoev pen Bobır Abdýllaev atandy, - dep atap ótti CECECO úılestirýshisi.

- Baıqaý týraly qarasha aıynda bildim, biraq emtıhandarǵa baılanysty qatysýdy uzaq ýaqytqa keıinge qaldyrdym. Uıymdastyrýshylar ázirleýge shamamen bir jarym aı ýaqyt bólgenine qaramastan jobamen jumysty dedlaınǵa bir táýlik qalǵanda bastap, ony shamamen 24 saǵat ishinde aıaqtadym, - dep baıandady Erlan Dosbol.

Onyń jobasynda spýtnıktik sýretterdi taldaý úshin mashınalyq oqytý jáne kompıýterlik kórý ádisteri qoldanylady. Sheshim Jerdi qashyqtan zondtaý derekterine negizdelgen kún panelderin ornatý úshin eń qolaıly ǵımarat shatyrlaryn anyqtaýǵa múmkindik berip otyr.

- Hakatondar men mashınalyq oqytý jarystaryna qatysý tájirıbeme qaramastan jeńisim týraly jańalyq men úshin tosynsyı boldy. Bul úlken shabyt jáne Qazaqstan men aımaqtaǵy mamandardy daıarlaýdyń joǵary deńgeıiniń dáleli, - dep atap ótti Dosbol.

Ol «elektrotehnıkalyq jáne kompıýterlik ınjenerııa» mamandyǵy boıynsha oqýy jáne JI salasyna belsendi mamandanýy oǵan Jı-júıelerine arnalǵan ınfraqurylymy salasynda bolashaq damýyn josparlaýǵa kómektesetinin qosyp ótti.

Baıqaý uıymdastyrýshylary jobalardy tek tehnıkalyq artyqshylyqtary boıynsha ǵana emes, olardyń praktıkalyq qoldanylýy men taza energııa men turaqty damýdy ilgeriletý mıssııasyna sáıkestigi boıynsha da baǵalady. Jeńimpazdarǵa aqshalaı syılyq berildi, sondaı-aq áýe bıletteri men Bakýdegi turý orny tólendi.

- Halyqaralyq baıqaýǵa qatysý jáne jeńiske jetý bizdi taza energııa men JI salasyndaǵy ınnovatsııalardy ázirleýdi jáne engizýdi jalǵastyrýǵa yntalandyrady, - dep atap ótti Dosbol.

Іs-shara barysynda Ázerbaıjan memlekettik organdary, halyqaralyq uıymdar, akademııalyq qaýymdastyq jáne dıplomatııalyq mıssııalardyń ókilderimen dóńgelek ústel jáne paneldik talqylaý ótti. Qatysýshylar energııanyń jańartylatyn kózderine kóshý, aımaqtyq yntymaqtastyqty damytý jáne ınnovatsııalyq tehnologııalardy engizý máselelerin talqylady.

Hakatondy ECO jáne UNIDO qurǵan, shtab-páteri Bakýde ornalasqan aımaqtyq uıym – ECO Clean Energy Center (CECECO) uıymdastyrdy. CECECO taza energııa salasyndaǵy jobalardy nasıhattaıdy, jastar bastamalaryn qoldaıdy jáne halyqaralyq yntymaqtastyqty nyǵaıtady.

Buǵan deıin Qazaqstan men Ázerbaıjan bir jyldaǵy yntymaqtastyq nátıjelerin qorytyndylaǵanyn jazǵan bolatynbyz.