Qazaqstandyq sportshylar U20 álem chempıonatynda eki ulttyq rekordty jańartty
ASTANA. KAZINFORM — AQSh-tyń Oregon shtatyndaǵy ıÝdjın qalasynda 20 jasqa deıingi sportshylar arasynda jeńil atletıkadan álem chempıonaty aıaqtaldy.
Qazaqstan quramasynyń ókilderi eki ulttyq rekord jańartyp, eki fınalǵa joldama aldy.
Qyzdar arasyndaǵy syryqpen sekirý saıysynda Anna Cherkashına irikteý kezeńinde 4,10 metr nátıjesin kórsetip, U20 sanatyndaǵy Qazaqstannyń rekordyn jańartty.
Fınalda sportshy bul nátıjesin qaıtalap, qorytyndy boıynsha 11-orynǵa ıe boldy.
Álem chempıonatynda dısk laqtyrýdan synǵa túsken Maksım Sajnev te irikteý kezeńinde 61,37 metr nátıjemen Qazaqstannyń U20 sanatyndaǵy rekordyn jańartty.
Fınaldyq saıysta sportshy 59,85 metr nátıje kórsetip, jarysty 11-orynmen aıaqtady.
Qazaqstandyqtardyń basqa dıstsıplınalardaǵy nátıjeleri:
- Sherhan Egizbaı (sporttyq júris, 5000 metr) — 38-oryn;
- Egor Strýkov (sporttyq júris, 5000 metr) — 36-oryn;
- Gleb Gladılov (úsh qarǵyp sekirý) — 31-oryn;
- Kırıll Savchenko (400 metrge kedergiler arqyly júgirý) — 54-oryn;
- Bogdan Goncharov (110 metrge kedergiler arqyly júgirý) — 37-oryn;
- Margarıta Storojenko (sporttyq júris, 5000 metr) — 25-oryn;
- Antonına Chernyshova (100 metrge kedergiler arqyly júgirý) — 58-oryn;
- Alına Golovına (100 metrge kedergiler arqyly júgirý) — 45-oryn;
- Sofıa Kıdenko (400 metr) — 51-oryn.
Eske salaıyq, buǵan deıin Ahmadı Mahanov alǵash ret World Tennis J100 týrnıriniń chempıony atanǵanyn habarlaǵanbyz.
