Qazaqstandyq sportshylar Týrın ýnıversıadasyna attandy
ASTANA. KAZINFORM – Italııada ótetin XXXII Dúnıejúzilik qysqy ýnıversıadaǵa qatysý úshin qazaqstandyq stýdent-sportshylardyń birinshi toby Astanadan attandy.
Ýnıversıada qatysýshylaryn shyǵaryp salý rásimine QR Ǵylym jáne joǵary bilim vıtse-mınıstri Talǵat Eshenqulov, QR Oqý-aǵartý mınıstrligi «UǴPDTO» RMQK bas dırektory Arman Tashmetov jáne BAQ ókilderi qatysty.
2025 jylǵy 8 qańtardan 9 qańtarǵa qaraǵan túni Týrınge birinshi bolyp hokkeı jarysy boıynsha Qazaqstan quramasynyń ókilderi ushty. Olardyń ishinde qysqy ýnıversıadanyń ashylý saltanatynda memlekettik týdy alyp shyǵatyn hokkeıshi Abylaıhan Súleımenov te bar.
Sondaı-aq 9 qańtardan 10 qańtarǵa qaraǵan túni shańǵy jarysy boıynsha 16 adam, parashańǵy jarysy boıynsha 5 adam Qazaqstan quramasynyń atynan jol júrdi.
QR Ǵylym jáne joǵary bilim vıtse-mınıstri elimizdiń namysyn qorǵaıtyn sportshylarǵa qoldaý bildirip, sát sapar tiledi.
Buǵan deıin Shaıbaly hokkeıden qyzdar quramasynyń qarsylastary anyqtalǵanyn habarladyq.