Qazaqstandyq sportshylar para oq atýdan álem kýbogynda 1 altyn, 1 kúmis aldy

ASTANA. KAZINFORM - Ońtústik Koreıanyń Chhanvon qalasynda para oq atýdan álem kýbogynda qazaqstandyq sportshylar bir altyn, bir kúmis medal jeńip aldy.

Keshe jarystyń alǵashqy kúninde Erkin R1 (erler) dıstsıplınasynda 250.3 upaımen birinshi oryndy ıelendi. Bul synda ekinshi oryndy 249.0 upaımen Ońtústik Koreıa sportshysy Park Djınho, úshinshi oryndy 228.4 upaımen Frantsııanyń sportshysy Rıchard Dıde aldy.

Aıta keteıik, Erkin Ǵabbasov osy jyldyń naýryz aıynda Nıý-Delı qalasynda ótken álem kýbogynda ekinshi orynǵa ıe bolyp, bıylǵy Parıj Paralımpıada oıyndaryna joldama utyp alǵan edi.

Al búgin, ıaǵnı ekinshi jarys kúninde qazaqstandyq sportshylar Erkin Ǵabbasov pen Anna Dovgeleevıch R10 aralas juptyq dıstseplınada 615.8 upaı jınap, kúmis medaldi enshiledi. Bul synda bas júldeni Ońtústik Koreıa sportshylary Lı ıÝnrı men Park Djınho 618.6 upaımen jeńip alsa, qola medalǵa da Ońtústik Koreıa sportshylary Lı ıÝdjın men Lı Djanho 614.3 upaımen qol jetkizdi.

Aıta ketsek, dúbirli dodada 49 memleketten 260-tan astam sportshy óner kórsetip jatyr. Jarys 1 mamyrǵa deıin jalǵasady.