Qazaqstandyq sportshylar kórkem gımnastıkadan Portýgalııadaǵy týrnırde júldeli orynnan kórindi

ASTANA. KAZINFORM - Kórkem gımnastıkadan Qazaqstan komandasynyń músheleri Erıka Jaılaýova men Mılana Parfılova Portýgalııada ótken «Shaqyrtý kýboginde» júldeli orynnan kórindi. Bul týraly Olympic.kz jazdy. 

Kópsaıys qorytyndysy boıynsha Parfılova 5, Jaılaýova 7-orynnan kórindi.

Al jekelegen jattyǵýlar boıynsha ótken fınalda eki sportshymyz da júldegerler qatarynan kórindi.

Atap aıtar bolsaq, Mılana Parfılova shyǵyrshyqpen jattyǵýda kúmis, taspamen jattyǵýda qola júldeger atandy.

Erıka Jaılaýova dop jattyǵýynda kúmis alsa, shyǵyrshyqpen jattyǵýda 4-orynǵa taban tiredi.

Al Qazaqstan komandasynyń úzdikteri Eljana Tanıeva men Aıbota Ertaıqyzy aldaǵy álem kýbogi kezeńderine daıyndalyp jatyr.