Qazaqstandyq sportshylar Qysqy Ýnıversıadany 14 medalmen aıaqtady

ASTANA. KAZINFORM - Italııanyń Týrın qalasynda ótip jatqan Qysqy Ýnıversıadada short-trekten erler komandasy qola medal jeńip aldy.

El quramasynan 5000 metr qashyqtyqtaǵy estafetalyq jarysta Dinmuhamedaldııar Tájibaı, Sanjar Janysov, Aıbek Temirhan men Valerıı Klımenko tórttigi márege úshinshi jetti. 

Bul XXXII Qysqy Ýnıversıada oıyndarynda el quramasy qorjynyna túsken 14-medal.

Qazirge deıin Qazaqstan quramasy qorjynynda 3 altyn, 4 qola, 7 qola júldege ıe bolǵan edi.

El quramasynan Anastasııa Gorodko (frıstaıl, parallel mogýl) eki márte jeńis tuǵyrynan kórinse, Nıkıta Akımov (bıatlon) bir altyndy qorjynǵa saldy.

Sondaı-aq Aıaýlym Ámrenova (parallel mogýl), Anton Bondarev (parallel mogýl) bir-birden, Denıs Zınov (parashańǵy jarysy) eki márte kúmis medalǵa qol jetkizdi.

Qolaǵa qol sozǵandar qatarynda Roman Qurbanov (parashańǵy jarysy) eki márte úzdik úshtikten kórinse, Sofıa Samodelkına (mánerlep syrǵanaý), Arına Krıýkova (bıatlon), Kırıll Baýer (bıatlon), short-trek aralas estafetadan Qazaqstan quramasy qola júldeger atandy.

Túnde Astana ýaqytymen 00:00-de Týrındegi Qysqy Ýnıversıadanyń jabylý rásimi ótedi.