Qazaqstandyq sportshylar Dúnıejúzilik oıyndarǵa qatysady

ASTANA. KAZINFORM - Dúbirli doda Qytaıdyń Chendý qalasynda 8-17 tamyz aralyǵynda ótedi.

Otandastarymyz atalǵan jarysqa 1993 jyldan beri qatysyp keledi. Qazirge deıin olar 6 altyn, 4 kúmis, 7 qola júlde aldy. Qazaqstandyq sportshylar 2022 jyly AQSh-tyń Alabama shtatynyń Bırmıngem qalasynda 1 altyn, 2 kúmis, 1 qola medalmen ázirge joǵary kórsetkishke qol jetkizdi.

Bıyl jarys 34 sport túrinen ótip, 253 medal jıyntyǵy sarapqa salynady. Aıtýly dodaǵa 17 tamyzǵa deıin 114 elden 4000 sportshy qatyspaq.

Qazaqstan sapynan bıyl 8 sport túrinen rekordtyq 31 sportshy synǵa túsedi. Olar WKF karate, mýaıtaı, djıý-djıtsý, sambo (sporttyq jáne jaýyngerlik), quzǵa órmeleý, sadaq atý, sporttyq akrobatıka jáne ýshý sportynan júldelerdi sarapqa salady.

Dúnıejúzilik oıyndarynda sportshylar Olımpıadaǵa kirmeıtin saıys túrlerinen synǵa túsedi. Ol Olımpıadadan keıin bir jyldan keıin ótkiziledi.

Eske salsaq, budan buryn jasóspirimder arasyndaǵy álem chempıonatynda Dinmuhammed Qasymbek (80 keli) qola júldeger atandy.