Qazaqstandyq sportshylar Dúnıejúzilik kóshpendiler oıynynda ordo saıysyna qatysyp jatyr
ASTANA. KAZINFORM — Qyrǵyzstannyń Ystyqkól oblysyndaǵy Kyrchyn shatqalynda VI Dúnıejúzilik kóshpendiler oıyny aıasynda qyrǵyzdyń ordo ulttyq oıynynan jarys jalǵasyp jatyr.
Dúnıejúzilik kóshpendiler oıyny medıa shtabynyń málimetinshe, ordo ulttyq oıynyna 13 elden 115 sportshy tirkelgen. Olardyń qatarynda Qazaqstan quramasy da bar. Bul oıyn kóshpendiler murasyn álemdik arenada nasıhattaýǵa baǵyttalǵan.
Jarystyń alǵashqy kúnindegi nátıjeler:
Qyrǵyzstan – Chehııa: 66:3
Qazaqstan – Malaızııa: 24:0
AQSh – Pákistan: 28:4
Chehııa – Horvatııa: 5:5
Túrkııa – Mońǵolııa: 16:6
Qyrǵyzstan – Ispanııa: 94:9
Qazaqstan – Mońǵolııa: 16:0
Aıta keteıik, ordo saıysy 5 qyrkúıekke deıin jalǵasady.
Eske salaıyq, buǵan deıin Dúnıejúzilik kóshpendiler oıyndarynda el quramasy arqan tartystan qos altyn alǵanyn jazǵanbyz.
Sonymen qatar, Arman Qoshqarov Kóshpendiler oıynynda qusbegilekten kúmis medal jeńip aldy.
