Qazaqstandyq sportshylar baıdarka men kanoede esýden álem chempıonatynyń fınalyna shyqty
ASTANA. KAZINFORM — Polshanyń Poznan qalasynda baıdarka men kanoede esýden álem chempıonaty bastaldy.
Áıelder arasynda kanoede 200 metrlik juptyq jarysta Marııa Brovkova men Ýlıana Kıseleva irikteý kezeńinde sátti óner kórsetti.
Otandastarymyz qashyqtyqty 46.61 sekýndta júzip ótip, óz tobynda úshinshi bolyp márege jetti. Osylaısha, aqtyq synǵa joldama aldy.
Aıta keteıik, bul baǵdarlama boıynsha fınal 29 tamyzda ótedi.
Eske salaıyq, buǵan deıin qazaqstandyq voleıbolshylar Azııa chempıonatyndaǵy ónerin aıaqtaǵanyn habarlaǵan edik.
