Batýttaǵy gımnastıkadan álem kýbogynda Qazaqstan erler quramasy úzdik ondyqqa endi

ASTANA. KAZINFORM – Qazaqstan erler quramasy batýttaǵy gımnastıkadan Ázerbaıjannyń Baký qalasynda ótken álem kýbogynyń alǵashqy kezeńinde óner kórsetti.

Ulttyq olımpıadalyq komıtettiń málimetinshe, batýtta sekirý baǵdarlamasynda qazaqstandyq sportshylar eki ret fınalǵa joldama aldy.

Jekeleı saıysta sheshýshi kezeńge Roman Barkov shyǵyp, jarys nátıjesi boıynsha segizinshi oryndy ıelendi.

Al sınhrondy sekirýde Roman Barkov pen Erlan Tasmaǵambetov besinshi nátıje kórsetti.

Buǵan deıin Narıman Kýrbanovtyń Germanııadaǵy álem kýbogy kezeńinde qola medal alǵanyn jazǵanbyz.