Qazaqstandyq sportshy Ýgandadaǵy týrnırde qola medal jeńip aldy

ASTANA. KAZINFORM – Ýganda Respýblıkasynyń astanasy Kampalada badmıntonnan ótip jatqan Uganda International 2024 halyqaralyq týrnırinde qazaqstandyq sportshy Dmıtrıı Panarın qola júlde jeńip aldy.

Sportty damytý dırektsııasynyń baspasóz qyzmeti málim etkendeı, Ulttyq qurama kóshbasshysy irikteýden súrinbeı ótip, shırek fınalda Tobıas Kýentsıden basym túsken. Alaıda jartylaı fınalda Úndistan sportshysy Raghý Marısvamıden 3 partııada jeńilip qalyp, qola júldeni qanaǵat tutty. Alaıda osy qola medaliniń arqasynda jerlesimizge olımpıadalyq reıtıngide upaı qosylady.

Uganda International 2024 jarysynyń jalpy júlde qory – 15 myń AQSh dollary. Bıyl týrnırge 49 memleketten 500-ge jýyq badmıntonshy qatysyp jatyr.