Qazaqstandyq sportshy dzıýdodan Tájikstandaǵy «Úlken dýlyǵa» týrnırinde qola aldy
ASTANA. KAZINFORM – Búgin, 1 mamyrda Tájikstannyń Dýshanbe qalasynda dzıýdodan «Úlken dýlyǵa» týrnıri bastaldy.
Sports.kz sporttyq portalynyń habarlaýynsha, birinshi kúni Qazaqstan quramasynyń bir ókili fınaldyq kezeńge shyqty. Atap aıtqanda, erler arasynda 60 keli salmaq dárejesinde Nurádil Áljan júldege talasty.
Sheshýshi kezeńde qazaqstandyq sportshy Reseı ókili Achyty Dombýdy jeńip, qola júldege qol jetkizdi. Osylaısha, Qazaqstan quramasynyń qorjynynda ázirge iri halyqaralyq týrnırde bir júlde tústi.
Eske sala keteıik, buǵan deıin Astanadaǵy Grand Slam týrnırine qatysatyn qazaqstandyq dzıýdoshylar belgili bolǵanyn jazǵan edik.
