Qazaqstandyq sportshy sýrdo dzıýdodan halyqaralyq jarysta kúmis aldy

ORAL. KAZINFORM – 2-8 jeltoqsan kúnderi Malaızııa astanasy Kýala-Lýmpýrda estý qabileti tómen sportshylar arasynda H Azııa-Tynyq muhıty oıyndary ótip jatyr. 

BQO dene shynyqtyrý jáne sport basqarmasynan málim etkenindeı, atalǵan keshendi jarysqa Qazaqstannan 82 sportshy 8 sport túrinen baq synaýda. 

Batysqazaqstandyq Anastasııa Tımoshenkova sýrdo dzıýdodan 63 kelige deıingi salmaqta tatamıge shyqty. Kezdesý barysynda úzdik nátıjemen kózge túsken Anastasııa kúmis júldege qol jetkizdi. Onyń bapkeri – «Eren eńbegi úshin» medaliniń ıegeri – Temirjan Hasanǵalıev. 

A.Tımoshenkova osyǵan deıin 2023 jyly Qyrǵyzstanda ótken Azııa – Tynyq muhıt birinshiliginde úzdik úshtikke ilikti. Al bıyl Túrkistan qalasynda sýrdo dzıýdodan ótken álem chempıonatynda qola júldeni jeńip aldy. 

Eske sala keteıik, budan buryn qazaqstandyq bapkerdiń shákirtterin olımp shyńynan kórgisi keletinin jazǵan bolatynbyz.