Qazaqstandyq sportshy Reseıdegi halyqaralyq týrnırde eki medal jeńip aldy

ASTANA. KAZINFORM – Reseıdiń Omby qalasynda eki dúrkin Olımpıada chempıny Evgenııa Kanaevanyń júldesi úshin jarys ótip jatyr. Atalǵan synda qazaqstandyq Mılana Parfılova kózge tústi, dep habarlaıdy Olympic.kz. 

Mılana taspamen jattyǵýda qola, shyǵyrshyqpen jattyǵýda kúmis medal jeńip aldy.

Odan bólek, toptyq jattyǵýdan Qazaqstan komandasy bes shyǵyrshyqpen jattyǵýda týrnırdiń kúmis medalin ıelendi. Qazaqstan komandasy kópsaıysta qolaǵa qol jetkizgen bolatyn.