Qazaqstandyq sportshy Paralımpıada oıyndarynda ekinshi medal jeńip aldy

Hanchjoý qalasynda (Qytaı) ótip jatqan Azııa Para oıyndarynda VL3 sanatyndaǵy erler arasynda parakanoe esýden fınaldyq jarystar ótti. Kazinform agenttigi bul týraly Sports.kz portalyna silteme jasap habarlaıdy. 

Qazaqstan quramasynyń ókili Bıbarys Spataı ózbekstandyq qarsylasy Haıtmurot Sherkýzıevten nebári 0,463 sekýnd artta qalyp, ekinshi boldy. Úshinshi oryndy jergilikti sportshy Pý Iı (+1,010) ıelendi.

Qazaqstandyq úshin bul osy oıyndardaǵy ekinshi medal boldy. Bir kún buryn ol KL2 sanatynda kúmis júldege ıe boldy.

Qazirgi kezde Qazaqstannyń qorjynynda Hanchjoýdaǵy Para oıyndarynda jeńip alǵan on medal bar – eki altyn, tórt kúmis jáne tórt qola.