Qazaqstandyq sportshy lıtsenzııalyq Álem Kýbogynda 5-shi oryn aldy
ASTANA. KAZINFORM – Brazılııanyń Rıo-de-Janeıro qalasynda ótip jatqan lıtsenzııalyq Álem Kýbogynyń kezeńinde Ulttyq qurama sportshysy Valerıı Rahymjan fınalǵa shyǵyp, 5-satydan kórindi.
Valerıı 10 metrden tapanshamen nysana kózdeýdiń aqtyq synynda 176 upaı jınap, 8 mergenniń arasynda besinshi boldy. Ókinishke qaraı, ol Olımpıada lıtsenzııasyna qol jetkize almady. Júlde Italııa, Belarýs jáne Germanııa sportshysyna buıyrdy.
Іrikteýde otandasymyz 584 ball alyp, 4-orynmen fınalǵa shyqqan.
Aıta keteıik, Brazılııadaǵy Álem Kýbogynda 76 memleketten kelgen 466 sportshy sheberlik baıqasyp jatyr.
Esterińizge sala keteıik, búgin qazaqstandyq jeńil atlet Janna Mamajanova Parıj Olımpıadasynyń joldamasyn jeńip aldy.
