Qazaqstandyq sportshy ISSA Sportshylar komıssııasynyń múshesi bolyp saılandy
ASTANA. KAZINFORM — Qazaqstandyq sportshy, júzýden ulttyq quramanyń ókili Ádilbek Mýsın Islam yntymaqtastyǵy sport qaýymdastyǵynyń (ISSA) Sportshylar komıssııasynyń quramyna saılandy. Bul týraly UOK baspasóz qyzmeti habarlady.
Saılaý Saýd Arabııasynyń Er-Rııad qalasynda ótetin Islam yntymaqtastyǵy oıyndary qarsańynda, qaýymdastyqqa múshe elderdiń ulttyq olımpıadalyq komıtetteriniń qatysýymen ótti.
Daýys berýge ár ulttyq komıtetten usynylǵan sportshylar qatysty. Nátıjesinde komıssııa quramyna 15 úmitkerdiń ishinen segizi tańdaldy.
Aıta keteıik, 2025 jylǵy Islam yntymaqtastyǵy oıyndary 7-21 qarasha aralyǵynda ótedi. Qazaqstan atynan 100-den astam sportshy 15 sport túri boıynsha baq synaıdy.
Eske salsaq qazaqstandyq komanda bedeldi halqaralyq avtojarysta ekinshi oryn aldy.