Qazaqstandyq sportshy Dııar Nurǵoja UFC-men kelisimshartqa otyrdy
ASTANA. KAZINFORM - Aralas jekpe-jekten qazaqstandyq sportshy Dııar Nurǵoja UFC kelisimsharty sarapqa salynatyn Dana White’s Contender serııasy boıynsha kezekti týrnır aıasynda saıysqa tústi. Qazaqstandyq faıter oktagonda polshalyq sportshy Bartosh Shevchıkpen (8-3-1) sheberlik baıqasyp, qarsylasyn nokaýtpen jeńdi.
Dııar ekinshi raýndta qarsylasyna birneshe soqqysyn darytty. Qarsylasynyń dármensizdiginen keıin tóreshi jekpe-jekti erterek aıaqtaý týraly sheshim qabyldady. Osylaısha Dııar Nurǵoja óziniń jeńilissiz serııasyn jalǵastyrdy. Oǵan qosa UFC boıynsha álemdegi eń úzdik MMA lıgasymen kelisimshartqa qol jetkizdi.
Qazaqstandyq faıter buǵan deıin Alash Pride, Eagle FC jáne UAE Warriors promoýshenderinde saıysqa túsken bolatyn.
Eske salsaq, budan buryn Talǵat Orynbasar dzıýdodan álem chempıonatynda qola júldege qol jetkizdi. 60 kelige deıingi salmaqta beldesken otandasymyz ıtalııalyq balýan Vınchentso Manferlottıdi jubanysh aınalymynda taza jeńdi. Osylaısha, Orynbasar qola júlde úshin kúresýge múmkindik aldy.
