Qazaqstandyq sportshy Azııa chempıonatynda top jardy

ASTANA. KAZINFORM – Tas joldaǵy velosporttan Qazaqstan quramasynyń ókili Evgenıı Fedorov Saýd Arabııasynyń Ál-Qassım qalasynda ótip jatqan Azııa chempıonatynda jeńiske jetti.

QR UOK málimetinshe, otandasymyz toptyq jarysta jeńis tuǵyrynyń birinshi satysyna kóterildi. 

Ol 154,4 shaqyrymdy 03:25.17 ýaqytta júrip ótip, jeńimpaz atandy.

Ekinshi oryndy Qytaı ókili Haoıýı Sýı ıelendi. Úzdik úshtikti Abdýlla Jasım Álı (BAÁ) túıindedi.

Buǵan deıin Mansur Beısembaı velosporttan Azııa chempıonatynyń júldegeri atanǵanyn jazǵan edik.

XDS Astana Team komandasynyń veloshabandozy Krıstıan Skaronı kópkúndik Oman týry jarysynyń úshinshi kezeńinde ekinshi oryn alyp, jalpy esepte de ekinshi satyǵa kóterildi.