Qazaqstandyq sportshy aýyr atletıkadan álem chempıonatynda qola júlde aldy

ASTANA. KAZINFORM – Qazaqstandyq aýyr atlet Erasyl Sáýlebekov Ispanııanyń Leon qalasynda ótip jatqan jastar arasyndaǵy álem chempıonatynyń jeńimpazy atandy, dep habarlaıdy Sports.kz.

81 kelige deıingi salmaqta Sáýlebekov qossaıysta (154+190) 344 keli nátıjemen óner kórsetti. Osy kórsetkishtiń arqasynda Erasyl serpe kóterýde kúmis, qurama saıysta qola medal jeńip aldy.

Aıta keteıik, qazaqstandyq sportshy 73 kelige deıingi salmaqta 17 jasqa deıingi eki dúrkin álem chempıony (Meksıka 2022, Albanııa 2023), sonymen qatar Qazaqstan Respýblıkasynyń rekordshysy.

Osyǵan deıin Qytaıdyń Hanchjoý qalasynda ótken WKF karateden eresekter arasyndaǵy XX Azııa chempıonatynda qazaqstandyq sportshylar 2 altyn, 2 kúmis jáne 1 qola medal jeńip alǵanyn jazdyq.