Qazaqstandyq sportshy Alfııa Tilekqabyl para dzıýdodan álem chempıony atandy
ASTANA. KAZINFORM — Grýzııanyń Tbılısı qalasynda para dzıýdodan álem chempıonaty bastaldy. Jarystyń alǵashqy kúninde Qazaqstan quramasy bir altyn, birkúmis jáne bir qola medal jeńip aldy.
J1 sanatynda 52 kelige deıingi salmaq dárejesinde óner kórsetken qazaqstandyq sportshy Alfııa Tlekqabyl fınaldyq beldesýde Brazılııa ókili De Andradeni ıppon ádisimen jeńip, álem chempıony atandy.
Sondaı-aq, J1 sanatynda 70 kelige deıingi salmaqta Alyqyn Nurdáýletov kúmis júldege ıe boldy.
Al J2 sanatynda 70 kelige deıingi salmaqta el namysynqorǵaǵan Ibragım Nurmahanuly álem chempıonatynyń qola júldesin enshiledi.
Aıta keteıik, kórý qabileti buzylǵan sportshylar arasyndaǵy para dzıýdodan álem chempıonaty 25-27 qyrkúıek aralyǵynda Tbılısı qalasynda ótýde. Baıraqty básekege álemniń 44 elinen 290 sportshy qatysyp jatyr.
Aıta ketelik qazaqstandyq sportshylardyń 27 qyrkúıektegi jarys kestesi jarııalanǵan edi.
