Qazaqstandyq sport juldyzdary Astanada aǵash otyrǵyzdy
ASTANA. KAZINFORM - Elordalyq sportshylar «Taza Qazaqstan: Astana – tazalyq pen tártiptiń úlgisi» aýqymdy ekologııalyq aktsııasyna qatysty.
Astana qalalyq sport basqarmasynyń baspasóz qyzmeti málim etkendeı, №5 olımpıadalyq rezervtegi mamandandyrylǵan balalar men jasóspirimder sport mektebiniń aýmaǵynda sportshylar, jattyqtyrýshylar men sport uıymdarynyń qyzmetkerleri aǵash otyrǵyzdy.
«Qala turǵyndaryn «Astana – tazalyq pen tártip úlgisi» aýqmdy ekologııalyq aktsııasyna qatysýǵa shaqyramyn», - dedi Gınnes rekordtar kitabyna esimi engen sportshy, Qazaqstannyń alty dúrkin rekordshysy Sergeı Tsyrýlnıkov.
«Elordanyń árbir turǵyny óziniń turǵylyqty jerine jaýapkershilikpen qaraýy, abattandyrý men kógaldandyrýǵa qatysýy tıis. Búgin biz «Taza Qazaqstan. Astana – tazalyq pen tártiptiń úlgisi» naýqany aıasynda aǵash otyrǵyzyp, qalany abattandyrýǵa óz úlesimizdi qostyq», - dedi QR eńbek sińirgen sport sheberi, bokstan Álem jáne Azııa chempıony, Olımpıada oıyndarynyń qatysýshysy Mereı Aqshalov.
Esterińizge sala keteıik, aýqymdy ekoaktsııa aıasynda qalany sanıtarlyq tazartý, nóser jáne aryq káriz jelileri, kóshelerdi, trotýarlardy, oramishilik aýmaqtardy, qoǵamdyq keńistikter men aýlalardy tazalaý jumystary júrgizilýde. Sondaı-aq jasyl jelekterdi kútip-baptaý jáne otyrǵyzý, saýda nysandaryna irgeles aýmaqtardy jınaý, kógaldar men gúlzarlardy ornatý, ruqsat etilmegen polıgondardy joıý jáne t. b. jumystar júrgizilýde.
Sondaı-aq ekoaktsııaǵa qatysýshylar arasynda fıtnes-klýbqa úsh abonementke konkýrs ótkiziledi. Oǵan kez kelgen adam qatysa alady. Ol úshin Astana ákimdiginiń Instagram-daǵy (@akimat__astana) resmı akkaýntyna jazylyp, ekoaktsııadan óz paraqshasyna túpnusqa vıdeo jarııalap, onda #tazaastana, #ekoaktsııaastana heshtegterin belgileý qajet (jarııalanym bolýy kerek, stories emes).
Elordada aýqymdy ekologııalyq jumystar áli de jalǵasýda.
