Qazaqstandyq shpagashylar Tashkentte ótetin álem kýbogy kezeńine qatysady
ASTANA. KAZINFORM — 3-6 jeltoqsan aralyǵynda Ózbekstan astanasy Tashkentte semserlesýden (shpaga) álem kýbogynyń kezeńi ótedi.
Qazaqstan erler quramasy jekeleı jáne komandalyq jarystarda baq synaıdy.
Jekeleı synǵa qatysatyn ulttyq qurama sapyna 12 sportshy kirdi. Olar: Rýslan Qurbanov, Kırıll Prohodov, Erlik Sertaı, Vadım Sharlaımov, Nurjan Ábjanov, Elmır Álimjanov, Aleksandr Fedotov, Alekseı Kasatkın, Bogdan Lýkın, Ǵabıdın Mustafın, Kırıll Pavlov jáne Georgıı Tınnıkov.
Al komandalyq jarysta Qazaqstan namysyn Rýslan Kýrbanov, Kırıll Prohodov, Erlik Sertaı jáne Vadım Sharlaımov qorǵaıdy.
Aıta keteıik, álem kýbogynyń buǵan deıingi kezeńi Shveıtsarııanyń Bern qalasynda ótken bolatyn. Sol jarysta Vadım Sharlaımov jekeleı synda qola medal ıelendi.
Eske salaıyq, buǵan deıin qazaqstandyq semserlesýshi Aıbar Qaıym Senegal astanasy Dakarda ótip jatqan jasóspirimder Olımpıadasynda kúmis medal jeńip alǵanyn habarlaǵan edik.