Qazaqstandyq shorttrekshi qyzdar álem kýbogi kezeńinde kúmis aldy

ORAL. KAZINFORM – Nıderland koroldiginiń Herenven qalasynda short-trekten jasóspirimder arasynda álem kýboginiń 3-kezeńi máresine jetti.

Sporttyq damytý dırektsııasynyń baspasóz qyzmetinen málim etkenindeı, qyzdar arasyndaǵy 3 myń metrlik estafetada Qazaqstan quramasy kúmis júldege ıe boldy.

El namysyn Alına Ájiǵalıeva, Polına Omelchýk, Anastasııa Astrahantseva, Zeınep Qumarqan jáne Gúldana ⁠Jalmuhan qorǵady. 

A toby, fınal:

Ońtústik Koreıa – 4:17.683 sekýnd,
Qazaqstan – 4:19.480,
Nıderland – 4:33.236.
BQO dene shynyqtyrý jáne sport basqarmasynyń naqtylaýynsha, Alına Ájiǵalıeva men Gúldana Jalmuhan – batysqazaqstandyq shorttrekshiler.